Kanarietako Autonomia Erkidegoak ekonomia eta zerga araubide berezia du, Konstituzioan onartuta duen ondare historikoa dela eta. Berezitasun hori ondorengoan datza: inportatzeko eta esportatzeko merkataritza askatasuna, monopolioen aplikazio eza eta kontsumoaren gainean muga eta zerga frankiziak. Kanariak Europar Batasuneko ultraperiferiako eskualdetzat onartuta egoteak ekartzen dituen arau eta printzipioak ditu araubide horrek bere baitan. (Europako Erkidegoa Eratzeko Ituneko 299.2 artikulua)
Kanarietako Autonomia Erkidegoan zeharkako zergei dagokionez, ez dira aplikatzen ez balio erantsiaren gaineko zerga, ez hidrokarburo jakin batzuen txikizkako salmentaren gaineko zergak, ezta zerga berezi batzuk ere (zehazki, hidrokarburoen gaineko zerga berezia eta tabakoaren eratorrien gaineko zerga berezia).
Zeharkako zergapetzeari dagokionez, Kanarietako zeharkako zerga orokorra eta salgaiak inportatzearen eta entregatzearen gaineko ariela aplikatzen dira.
Kanarietako ekonomia eta zerga araubidearen araudi erregulatzailea