Europar Batasunaren garapen harmoniatsua sustatzeko, bertako erakundeek, estatu-kideen eta eskualdeen lankidetzarekin, Batasunaren kohesioa indartzera bideratutako ekintzak eta esku hartzeak egiten dituzte. Erkidegoak, zehazki, eskualdeen arteko desberdintasunak murriztu nahi ditu; izan ere, eskualde batzuetako garapen maila altua da, eta beste batzuetan atzeratuta dago, landa-eremuak eta uharteak barne hartuta. Helburu hori lortzeko, Erkidegoak egitura-xedea duten funtsak, kohesio-funtsak eta Inbertsioen Europako Bankukoak nahiz beste finantza tresna batzuetakoak (Inbertsioen Europako Funtsa, maileguak eta Euratom garantiak) erabiltzen ditu.
Europar Batasunak lau egitura funts ditu. Horien bitartez bidaltzen die finantza-laguntza estatu kideei, hala, eskualde eta gizarte taldeen arteko desberdintasunak murriztea oztopatzen edo atzeratzen duten ekonomia eta gizarte arazoak konpon ditzaten. Egitura funtsa horiek, zehazki, honakoak dira:
- Eskualde Garapenerako Europako Funtsa (EGEF)
- Europako Gizarte Funtsa (EGIF)
- Nekazaritza Bideratu eta Bermatzeko Europako Funtsa, Bermatze Saila (NBBEF-b)
- Arrantza Bideratzeko Finantza-Tresna (ABFT)
Informazio gehiago nahi izanez gero: