Recoñecemento de cualificacións profesionais vinculadas ao Ministerio de Economía e Facenda: Ministerio de Hacienda y Administraciones Públicas

Recoñecemento de cualificacións profesionais vinculadas ao Ministerio de Economía e Facenda

A Directiva 2005/36/CE do Parlamento Europeo e do Consello, do 7 de setembro de 2005 Abre nueva ventana , relativa ao recoñecemento de cualificacións profesionais que foi incorporada ao noso ordenamento polo Real decreto 1837/2008, do 8 de novembro , regula o procedemento de recoñecemento de títulos obtidos na Unión Europea para o exercicio de profesións reguladas en España no ámbito do Ministerio de Economía e Facenda. Estas profesións son: Economista, Actuario de seguros, e Auditor de Contas.

Sobre este procedemento cabe indicar, a grandes trazos, que:

Consiste en recoñecer en España os títulos obtidos polos cidadáns nacionais de calquera Estado membro da UE, dos países integrantes no espazo económico europeo (Islandia, Noruega e Liechtenstein), Suíza e, se é o caso, por cidadáns de terceiros países que tamén sexan cidadáns de calquera Estado anterior (dobre nacionalidade), para o acceso ao exercicio dunha profesión ou actividade regulada en España, cos mesmos efectos que se se obtivese o correspondente título español. Co recoñecemento oficial permíteselle ao interesado colexiarse nos colexios profesionais correspondentes e exercer a profesión naquelas actividades asignadas en exclusiva ao grupo profesional.
A solicitude debe dirixirse, como requisito previo e inescusable, a Secretaría Xeral Técnica, Paseo de la Castellana, 162 - 28071 MADRID. Consiste nun modelo común para todos eles que debe ir acompañado de diversa documentación acreditativa (académica e profesional) compulsada e acompañada da súa tradución oficial ao español (por tradutor xurado, calquera representación diplomática ou Consulado de España no estranxeiro ou pola representación diplomática ou consular en España do país cuxa nacionalidade teña o solicitante).

Para máis información: